Leiðtogafærni hefst á innra ástandi
Stjórnaðu ástandi þínu, skapaðu jafnvægi í taugakerfinu og opnaðu hjartað, til að styrkja hugsun, þrautseigju og hafa jákvæð áhrif í kringum þig
Hver er ég?
Ég er sálfræðingur með doktor í lífeðlislegri sálfræði.
Ég kenni leiðtogum, teymum og einstaklingum að leiða með taugakerfi í jafnvægi og opnu hjarta, að byggja upp innri stöðugleika sem eykur skýra hugsun, tilfinningalegt jafnvægi, þrautseigju og mannlega tengingu, jafnvel undir álagi. Þegar við lærum að hafa áhrif á eigið lífeðlislegt ástand bætum við ekki aðeins eigin líðan og frammistöðu, heldur höfum við áhrif á tilfinningar og lífeðlisfræði annarra í kringum okkur.
Vinna mín byggir á rannsóknum úr lífeðlislegri sálfræði og taugavísindum, og ég er virk í rannsóknum á sviði lífeðlislegrar sálfræði, með áherslu á hjartsláttarbreytileika (HRV), stjórnun taugakerfis, seiglu og hugræna frammistöðu undir álagi.
Starfsferill minn spannar klínísk störf, lýðheilsu og stefnumótun í kerfum og aðstæðum þar sem álag er raunverulegt og ákvarðanir hafa áhrif. Ég hef m.a. gegnt leiðtogahlutverki í sálfræðiþjónustu innan heilsugæslunnar, verið yfirsálfræðingur á heilbrigðisstofnun, sálfræðingur hjá íslensku lögreglunni, sérfræðingur í lýðheilsu innan heilbrigðisráðuneytisins og sérfræðingur í geðrækt hjá embætti landlæknis.
Ég miðla þessari þekkingu bæði innan fagheimsins og til almennings, meðal annars á alþjóðlegum ráðstefnum í lífeðlislegri sálfræði og í TEDx erindi.
Taktu stjórn á eigin ástandi
Ástand þitt skiptir máli. Ekki bara fyrir þig, heldur fyrir alla í kringum þig.
Ef þú vinnur með fólki, leiðir aðra, elur upp börn, styður skjólstæðinga eða vilt einfaldlega heilbrigðari sambönd, þá á þetta við þig. Þegar þú upplifir streitu, ert úr jafnvægi og orkulaus, hefur það áhrif á aðra í kringum þig. Þegar þú finnur fyrir ró, jarðtengingu og í umhyggju, hefur það eining áhrif á aðra. Ástand þitt verður hluti af umhverfinu.
Meira um þetta hér í TEDx erindi mínu ,,Why your well-being matters to everyone around you”.
Fræðsla, þjálfun og ráðgjöf
Ég vinn með vinnustöðum, stofnunum og einstaklingum að verkefnum sem tengjast streitu, taugakerfinu, HRV, endurheimt og sálrænni heilsu.
Ég býð upp á fræðslu og vinnustofur, HRV biofeedback þjálfun, einstaklingsráðgjöf og sérverkefni – byggt á sérþekkingu minni í lífeðlislegri sálfræði og áherslu á að færa vísindalega þekkingu yfir í hagnýta notkun.
Fræðsla og vinnustofur fyrir fyrirtæki, stofnanir og hópa um taugakerfið, streitu og lífeðlislega sálfræði. Fræðslan er sérsniðin að þörfum hvers hóps með áherslu á hagnýta þekkingu og verkfæri.
Dæmi um viðfangsefni:
Streita, taugakerfið og endurheimt
Breytingar, óvissa og aðlögun
HRV, sjálfstjórn og frammistaða
Sjálfstjórn og samstjórn (self- & co-regulation)
Að tilheyra og skipta máli (belonging & mattering)
Þjálfun í að skilja og hafa áhrif á eigið lífeðlislegt ástand.
Markviss HRV biofeedback hópþjálfun þar sem þátttakendur læra að vinna með öndun, HRV og taugakerfið og byggja upp færni með reglulegri æfingu.
Þjálfunin getur meðal annars falið í sér:
HRV mælingar
Fræðslu um HRV og taugakerfið
Einstaklingsmiðaða öndunartíðni
Heimaæfingar og biofeedback
Eftirfylgd og mat á árangri
Ráðgjöf og sérverkefni fyrir fyrirtæki, stofnanir og opinbera aðila á sviði streitu, taugakerfis, HRV, sálrænnar heilsu og forvarna.
Verkefni geta meðal annars falist í:
Þróun inngripa og þjálfunar
Þróun fræðslu- og námsefnis
Ráðgjöf um forvarnir og heilsueflingu
Mælingar og mat á árangri
Rannsóknir og þróun
Fræðsla, þjálfun og einstaklingsráðgjöf
Ég hjálpa einstaklingum, vinnustöðum og stofnunum að skilja og hafa áhrif á streitu, endurheimt og lífeðlislegt ástand með gagnreyndri fræðslu og þjálfun.
Þjónustan byggir á sérþekkingu minni í lífeðlislegri sálfræði, sjálfvirka taugakerfinu og HRV.
-
Í síbreytilegu starfsumhverfi er aðlögunarfærni lykill að árangri. Rannsóknir sýna að lífeðlislegur sveigjanleiki, mældur með HRV, tengist betri ákvarðanatöku, tilfinningastjórn, einbeitingu og þrautseigju undir álagi.
Í námskeiðinu þjálfa þátttakendur streitustjórnun, sjálfvirka taugakerfisstjórn og hraðari endurheimt. Fyrirtæki fá aukna frammistöðu og minni kulnun; starfsfólk fær meiri stöðugleika, fókus og öryggi í krefjandi aðstæðum.
-
Við erum bæði líffræðilega og félagslega „tengd til að hugsa um aðra“. Rannsóknir sýna að tilfinningar okkar og lífeðlislegt ástand hafa bein áhrif á fólkið í kringum okkur, á börn, teymi og sambönd. En þegar við gleymum eigin endurheimt verður umhyggjan ósjálfbær.
Í þessu námskeiði læra þátttakendur hjartaöndun og HRV-þjálfun sem styrkir parasympatíska virkni, eykur tilfinningastjórn og hraðar endurheimt eftir álag. Ávinningurinn er tvíþættur: meiri innri ró og orka fyrir einstaklinginn og jákvæð, smitandi áhrif á vinnustað, fjölskyldu og samfélag.
-
Andleg þrautseigja er ekki bara hugarfar, hún byggir á lífeðlisfræðilegri getu taugakerfisins til að aðlagast álagi og jafna sig hratt. Rannsóknir sýna að hærri HRV og virk parasympatísk stjórnun tengjast betri streituþoli, skýrari ákvarðanatöku og minni kulnun.
Í þessu námskeiði læra þátttakendur að skilja eigin streituviðbrögð og þjálfa endurheimt, tilfinningastjórn og innri stöðugleika með markvissum aðferðum. Ávinningurinn er sterkari einstaklingur, og teymi sem heldur jafnvægi, einbeitingu og árangri þegar mest reynir á
Fræðsla og námskeið
Aðlögunarfærni: HRV og frammistaða í krefjandi umhverfi
Rannsóknir sýna að lífeðlisleg aðlögunarhæfni, mæld með HRV, tengist betri ákvarðanatöku, einbeitingu og streituþoli. Við þjálfum taugakerfið til að viðhalda skýrleika og árangri þegar mest reynir á.
Hjartaöndun og HRV: Taktu stjórn á eigin ástandi
Tilfinningar og lífeðlislegt ástand smitast, á vinnustað og heimili. Með hjartaöndun og HRV-þjálfun lærir þú að styrkja ró, orku og innri stjórn með mælanlegum aðferðum.
Andleg þrautseigja og taugakerfið
Þrautseigja byggir á getu taugakerfisins til að jafna sig og aðlagast. Við þjálfum streitustjórnun, endurheimt og tilfinningastöðugleika svo þú og teymið þitt, haldið jafnvægi og árangri í breytilegu umhverfi.
Þjálfaðu taugakerfið þitt
Hér er aðgangur að verkfæri sem er aðgengilegur fyrir þá sem taka þátt í fræðslu eða þjálfun hjá mér
Hafðu samband
Endilega hafðu samband hér fyrir neðan ef þú hefur áhuga á að bóka fyrirlestur, fund eða heyra meira um störf mín og ég mun svara þér eins fljótt og auðið er.
